Дипален гел

Anti-comedogenic + comedolytic:
Батга үүсэлтээс сэргийлнэ. Хучуур эсүүдийн ялгаран хөгжлийг зохицуулах, бичил тосон бөглөө (микрокомедон) үүсэхээс урьдчилан сэргийлж  Мөн нэгэнт үүссэн тосон бөглөөг задална.

Anti-inflammatory effect:
Үрэвслийн эсрэг үр дүнтэй нөлөөлнө. Адапален нь арьсыг цочроох гаж нөлөө хамгийн бага ретинойд юм.

Хар, цагаан батга, үрэвсэлт идээт, зангилаат цист хэлбэрийн батга ч бай бүгд микрокомедоноос үүсдэг. Иймд дипален гелийг 8-12 долоо хоног ба түүнээс урт хугацаанд батганы эмчилгээнд болон сэдрэлээс урьдчилан сэргийлэх, эмчилгээний үр дүнг барих зорилгоор хэрэглэнэ.  

• Цэвэр, хуурай арьсанд оройд 1 удаа нимгэн жигд түрхэнэ. 1 удаад хэрэглэхдээ  жижиг шошийн хэмжээтэй авч нүүрний гадаргууд жигд тарааж зөөлөн түрхэнэ. Түрхэсний дараа гараа угаана.
• Өдөрт 1-ээс олон удаа хэрэглэх эсвэл зузаан түрхлээ гээд эмчилгээний үр дүн сайжрахгүй. Харин эсрэгээрээ арьс хуурайшиж цочромтгой болох эрсдэлтэй тул оройд 1 удаа тэвчээртэй хэрэглэхийг арьсны эмч нар зөвлөмж болгодог.
• Дипален гелийг хэрэглэхийн өмнө эсвэл дараа арьсанд чийгшүүлэх тос түрхэнэ. Энэ нь арьсыг хэт хуурайшиж цочрохоос хамгаална. 
• Анх удаа дипален гелийг хэрэглэх бол дараах 3 аргаар хэрэглэнэ.

Хачиртай талхны арга/сэндвич зарчим/ буюу чийгшүүлэгч + дипален + чийгшүүлэгч (хоорондын зай 15 минут) 7-21 хоног

Чийгшүүлэгч + дипален дарааллаар 7-21 хоног

Арьс дипален гелд цочрохгүй дассан үеэс дипален гелийг эхэлж түрхээд дараа нь чийгшүүлэгч тосоо хэрэглэх нь эмчилгээний үр нөлөөг сайжруулна.

 

Дипален гелийн найрлага дах бодист хэт мэдрэмтгий харшилтай болон арьс зүсэгдсэн, зулгарсан шархтай, наранд түлэгдэж гэмтсэн үед, экземтэй өвчтөнүүд хэрэглэхийг хориглоно.

 

ЖИРЭМСЭН, ХӨХҮҮЛ ЭХЭД ХЭРЭГЛЭХГҮЙ! Жирэмслэхээр төлөвлөж байгаа үед ч хэрэглэхийг зөвлөмж болгохгүй. Бусад азелайны хүчил зэрэг батга эмчилгээний найрлагуудаас сонгож хэрэглэнэ үү.

Зарим гаж нөлөө ихэвчлэн эмчилгээний эхний сард ажиглагддаг бөгөөд цаашдаа давтамж ба хүндрэл нь багасдаг.

• Өвчтөнүүдийн ойролцоогоор 20%-д гелийг түрхэнгүүт чимчигнэх, загатнах мэдрэмж илэрч болно. Энэ үед хачиртай талхны аргаар хэрэглэхэд аажимдаа энэ шинж арилна. Мөн хэд хоногийн дараагаас арьс хуурайшиж, улайх шинж илэрвэл дипален гелийг өнжөөд 1 удаа буюу 2-3 хоногт 1 удаа хэрэглэж аажим дасгаж болно.
• Харин хавагнах, хүчтэй загатнах, улайх, харшлын тууралт гарах зэрэг шинж илэрвэл гелийг хэрэглэхээ бүрэн зогсоож, эмчид хандана.
• Эмчлүүлэгчдийн 10-40%-д нь арьс улайх, ихээр гуужиж хуурайших, шалбарах, загатнах, хорсох буюу чимчигнэх зэрэг гаж нөлөө илэрч болно.
• Эмчлүүлэгчдийн 1% ба түүнээс бага хувьд арьс цочрох, хорсох, хатгаж өвдөх, улайх, наранд борлож түлэгдэх, батга нэмэгдэх зэрэг нэмэлт гаж нөлөө илэрдэг болох нь судлагдсан.

Дипален гел нь хүчилтөрөгч ба гэрлийн нөлөөнд тогтвортой, химийн урвалд ордоггүй тул бусад батганы эм, тухайлбал клиндамицин эсвэл бензоилын хэт исэлтэй хавсарч хэрэглэсэн ч харилцан нөлөөлөл үүсгэдэггүй.

Энэ бэлдмэлийг бусад түрхэж хэрэглэдэг арьс цочроогч бүтээгдэхүүнтэй зэрэг хэрэглэх үед зарим өвчтөний арьсанд хэт цочрол үүсч болзошгүй учраас болгоомжтой хэрэглэх ёстой. Резорцин, салицилийн хүчил агуулсан бэлдмэлийг энэ эмтэй хослуулан хэрэглэхэд онцгой анхаарал хандуулах хэрэгтэй.

Энэ эмийн арьсаар дамжин шимэгдэх хэмжээ бага тул ууж хэрэглэдэг эмүүдтэй харилцан нөлөөлөлд орох боломж бага байдаг. Гэхдээ бусад ретиноид болон ижил төстэй механизмаар үйлчилдэг бусад эмүүдтэй хослуулан эмчлэхээс аль болох зайлсхийх шаардлагатай бол болгоомжтой хэрэглэнэ.