Экозитрин дэлгэрэнгүй заавар
Экозитрин® Кларитромицин Бүртгэлийн дугаар: 8656021510404 Эмийн бэлдмэлийн хэлбэр: хальсан бүрхүүлээр хучигдсан шахмал. Бүтэц: Шахмал тус бүрт дараахи бодисууд агуулагдана: идэвхитэй бодис: кларитромицин -500,0 мг, лактулоза -600мг Дүрслэл: Ягаан өнгийн бүрхүүлээр хучигдсан хоёр тал нь гүдгэр хэлбэртэй шахмал. Хөндлөн зүслэгээр доторхи давхарга нь цагаан буюу бараг цагаан өнгөтэй хоёр давхарга харагдана. Эм зүйн бүлэг: макролидын бүлгийн өргөн хүрээний үйлдэлтэй антибиотик.
Бета-лактамаза нь кларитромицины идэвхид нөлөөлдөггүй. Иймд бета лактам дарангуйлагч(клавуланат)-д харшилтай
Хэрэглэх заалт:
Насанд хүрэгчдэд залгиурын үрэвсэл, гүйлсэн булчирхайн үрэвсэл, хамрын дайвар хөндийн цочмог үрэвсэл, гуурсан хоолойн архаг үрэвслийн хүндрэл, эмнэлгээс гадуурхи уушигны хатгалгаа, арьсны болон арьсан доорхи эдийн хүндрээгүй халдвар, Mycobacteiium avium болон Mycobacterium intracellulare-р үүсгэгдсэн тархмал халдваруудын үед хэрэглэнэ. Насанд хүрэгчдэд Helicobacter pyloгi-р үүсгэгдсэн, 12 хуруу гэдэсний шархлаа үүссэн хадварын үед амоксициллин болон омепразол/лансопразолтай хослуулсан гурвалсан эмчилгээнд ашигладаг. Хүүхдэд залгиурын үрэвсэл, гүйлсэн булчирхайн үрэвсэл, эмнэлгээс гадуурхи уушигны хатгалгаа, хамрын дайвар хөндийн цочмог үрэвсэл, дунд чихний цочмог үрэвсэл, арьсны болон арьсан доорхи эдийн хүндрээгүй халдвар, Mycobacteiium avium болон Mycobacterium intracellulare-р үүсгэгдсэн тархмал халдваруудын үед хэрэглэнэ.
Хэрэглэх арга ба тун:
Дотуур ууж хэрэглэнэ, шахмалыг зажлахгүйгээр, бага зэрэг усаар даруулж залгина. Насанд хүрэгчид болон биеийн жин нь 33 кг-с их 12-с дээш насны хүүхдүүд: Streptococcus pyogenes-р үүсгэгдсэн залгиурын болон гүйлсэн булчирхайн үрэвслийн үед 10 хоногийн турш 12 цагийн зайтай 250мг хамрын дайвар хөндийн цочмог үрэвслийн үед 14 хоногийн турш 12 цагийн зайтай 500 мг; Haemophilus influenzae-р үүсгэгдсэн гуурсан хоолойн архаг үрэвслийн хүндрэлийн үед 7-14 хоногийн турш 12 цагийн зайтай 500 мг, Haemophilus parainfluenzae-р үүсгэгдсэн бол 7 хоногийн турш 12 цагийн зайтай 500 мг, Moraxella catarrhalis, Streptococcus pneumoniae-р үүсгэгдсэн бол 7-14 хоногийн турш 12 цагийн зайтай 250 мг ; Haemophilus influenzae-р үүсгэгдсэн эмнэлгээс гадуурхи уушигны хатгалгааны үед 7 хоногийн турш 12 цагийн зайтай 250 мг, Streptococcus pneumoniae, Chlamydia pneumoniae, Mycoplasma pneumonia-р үүсгэгдсэн бол 7-14 хоногийн турш 12 цагийн зайтай 250 мг ; Staphylococcus aureus, Streptococcus pyogenes-р үүсгэгдсэн арьс болон арьсан доорхи эдийн хүндрэлгүй халдварын үед 7-14 хоногийн турш 12 цагийн зайтай 250 мг Mycobacterium avium-р үүсгэгдсэн халдварын эмчилгээ болон урьдчилан сэргийлэх зорилгоор : 500 мг-р өдөрт 2 удаа уухаар бичиж өгнө. Өдрийн дээд тун- 1000 мг. Эмчилгээний хугацаа – 6 сар ба түүнээс дээш. Helicobacter pylori-г устгах зориулалтаар: Гурван эмийн хослолоор эмчлэх: кларитромицин - 500 мг, лансопразол – 30 мг ба амоксициллин - 1000 мг 10-14 хоногийн турш өдөрт 2 удаа; кларитромицин - 500 мг, омепразол – 20 мг и амоксициллин - 1000 мг 10 хоногийн турш өдөрт 2 удаа Хоёр эмийн хослолоор эмчлэх: кларитромицин - 500 мг өдөрт 3 удаа, омепразол – 40 мг өдөрт нийт 14 хоногийн турш, дараагийн 14 хоногт нь омепразолыг өдөрт 20 мг ууна. Бөөрний архаг дутагдалтай өвчтөнд: (креатинины клиренс 30 мл/мин бага эсвэл ийлдсэн дэхь креатинины концентраци 3,3 мг/100 мл-с их) тунг 2 дахин багасгах эсвэл тун хоорондын зайг 2 дахин ихэсгэнэ. Энэ бүлэг дэхь өвчтөнүүдийн эмчилгээний дээд хугацаа нь 14 хоног байна.
Болгоомжтой хэрэглэх нь:
Элэгний болон/буюу бөөрний дутагдал, миастения gravis, элгэнд бодисын солилцоо нь явагддаг эмийн бодисуудын нэг удаагийн хэрэглээ, колхицины нэг удаагийн хэрэглээ. CYP3A4 изоферментээр өдөөгдөж, бодисын солилцоо нь явагддаг эмийн бодисуудын, бензодиазепины ( судсаар алпразолам, триазолам, мидазолам ) , IА болон III бүлгийн хэм алдлын эсрэг эмийн, CYP3A4; изоферментээр бодисын солилцоо нь явагддаг удаан кальцийн сувгийн хоригуудын нэг удаагийн хэрэглээний дараа, зүрхний ишеми өвчинтэй, зүрхний хүнд дутагдалтай, гипомагнеми, брадикарди, миастени gravis-тэй өвчтөнүүдэд болгоомжтой хэрэглэнэ.
Эсрэг заалт:
Хэт мэдрэг байх, порфири, хөхүүл үе, цизаприд, астемизол, пимозид, терфенадин, эрготамин болон бусад алкалоид спорынийг нэг удаа хэрэглэсэн байх, мидазолам, алпразолам, триазолам эмийн бодисуудыг амаар ууж хэрэглэсэн байх. 12-с доош насны хүүхэд (эмийн бодисын энэхүү хэлбэрийн хувьд) Лактоз үл тэвчдэг эсвэл лактазын дутагдалтай, мөн глюкоз-галактоз шимэгддэггүй байх Ловастатин ба симвастатин, амаар мидозалам, бөөр эсвэл элэгний хэвийн үйл ажиллагаа алдагдсан өвчтөн колхицин, Р- гликопротеины дарангуйлагч эсвэл CYP3A4 изоферментийн хүчтэй ингибитор нэг удаа хэрэглэсэн байх, асуумжаар өвчтөний QT интервал уртассан байх, ховдлын хэм алдагдал, эсвэл пируэт хэлбэрийн тахикарди, асуумжаар кларитромицины хэрэглээнээс үүдэлтэй цөс зогсонгошилийн шарлал, элэгний үрэвсэлтэй байх, бөөрний дутагдалтай хавсарсан элэгний хүнд дутагдал, гипокалеми.
Жирэмсэн болон хөхүүл үед хэрэглэх
Жирэмсэн үед кларитромициныг хэрэглэх нь аюулгүй гэдэг нь батлагдаагүй. Жирэмсэн үед, ялангуяа эхний 3 сард хэрвээ кларитромицины ашигтай тал нь урагт үзүүлж болох сөрөг нөлөөнөөс давуу бол мөн илүү аюулгүй бусад эмийн бодис байхгүй тохиолдолд кларитромициныг хэрэглэнэ. Хэрвээ эмийн бодисыг хэрэглэж байх үед жирэмсэн болсон бол урагт үзүүлж болох сөрөг нөлөөний талаар үйлчлүүлэгчид мэдэгдэнэ. Хөхүүл үед энэхүү эмийн бодисыг хэрэглэх зайлшгүй шаардлагатай тохиолдолд хөхөөр хооллохыг зогсоох талаар зөвлөлдөх хэрэгтэй.
Эм зүйн шинж чанар:
Эм зүйн хөдлөл зүй. Өргөн хүрээний, хагас нийлэгжсэн макролид антибиотик. Бичил биетийн уургийн нийлэгжилтийг алдагдуулдаг (бичил биетийн эсийн рибосомын 50S дэд нэгжтэй холбогдоно). Эсийн гадна ба дотор байрлалтай өдөөгчинд хариу үйлчилнэ. Кларитромицины идэвхи нь ихэнхи доорхи бичил биетийн эсрэг in vitro болон эмнэлзүйн практикт батлагдсан байдаг. Үүнд грам эерэг, аэроб дараахи бичил биетнүүд: Staphylococcus aureus, Streptococcus pneumoniae, Streptococcus pyogenes; грам сөрөг, аэроб дараахи бичил биетнүүд Haemophilus influenzae, Haemophilus parainfluenzae, Moraxella catarrhalis, Legionella pneumophila; бусад бичил биетнүүд болох Mycoplasma pneumoniae, Chlamydia pneumoniae; микобактериуд болох Mycobacterium avium болон Micobacterium intracellulare-г дотроо багтаасан цогцолбор болох Mycobacterium avium complex (MAC), Helycobacter pylori нар багтана. Кларитромицины in vitro дахь идэвхи грам эерэг аэроб бичил биетнүүд болох Listeria monocytogenes, Streptococcus agalactiae, Streptococci C,F,G бүлэг, Streptococci viridans бүлэг; грам сөрөг аэроб бичил биетнүүд болох Neisseriа gonorrhoeae, Bordetella pertussis, Pasteurella multocida; грам эерэг анаэроб бичил биетнүүд болох Сlostridium perfringens, Peptococcus niger, Propionibacterium acnes; грам сөрөг анаэроб бичил биетнүүд болох Bacteroides melaninogenicus; спирохет болох Borrelia burgdorferi, Treponema pallidum; микобактер болох Mycobacterium leprae, Mуcobacterium chelonae, кампилобактери болох Campylobacter jejuni нарт илэрнэ. Кларитромицины бодисын солилцооны идэвхитэй бүтээгдэхүүн болох 14-гидроксикларитромицин нь Haemophilus influenzae-н эсрэг эцсийн бүтээгдэхүүнтэй харьцуулахад хоёр дахин идэвхитэй үйлчилгээ үзүүлдэг. Кларитромицин болон үүний бодисын солилцооны бүтээгдэхүүнүүдийн хослол нь бичил биетний омгоос хамааран Haemophilus influenzae-н эсрэг in vitro болон in vivo орчинд нэмэлт болон хавсарсан үйлчилгээ үзүүлдэг. Метициллин болон оксациллинд тэсвэртэй стафилококкын ихэнхи омог кларитромицинд ч мөн тэсвэртэй байдаг. Кларитромицин болон макролид бүлгийн бусад антибиотик, линкомицин болон клиндамицинд чагталсан тэсвэржилт үүсэж болно. Фармакокинетик. Түргэн шимэгдэнэ. Хоол хүнс шимэгдэлтийг нь удаашруулах хэдий ч биохүртэхүйд нөлөөлөхгүй. 250 мг шахмалын биохүртэхүй 50% байна. Сийвэнгийн уурагтай холбогдох нь 65-75% байдаг. Нэг удаагийн хэрэглээний дараа концентрацийн дээд хэмжээ (Сmax) 2 удаа бүртгэгдэнэ. Энэхүү эмийн бодис нь цөсний хүүдийд хуримтлагдан, аажмаар эсвэл хурдацтайгаар гэдсэнд орон шимэгдэх чадвартай байдгаас хоёр дахь концентрацийн дээд хэмжээ бүртгэгддэг .Концентрацийн дээд хэмжээнд хүрэх хугацаа (TCmax) 250 мг эмийн бодисонд 2-3 цаг байдаг. Дотуур хэрэглэсний дараа хэрэглэсэн тунгийн 20-30% нь элгэнд цитохромын изоферментүүд болох СYP3A4, СYP3А5 ба СYP3А7-р гидроксил бүлэгтэй хурдан нэгдэж, бодисын солилцооны үндсэн бүтээгдэхүүн болох 14-гидроксикларитромициныг үүсгэдэг ба энэ нь Haemophllus influenzae бичил биетний эсрэг дээр дурдсан идэвхитэй үйлчилгээг үзүүлдэг. СYP3A4, СYP3А5 ба СYP3А7 изоферментуудыг дарангуйлдаг. Өдөрт 250 мг-г тогтмол хэрэглэх үед өөрчлөлтөнд ороогүй байгаа эмийн бодис болон үүний бодисын солилцооны гол бүтээгдэхүүний тэнвэртэй концентраци (Css) нь 1 ба 0,6 мкг/мл байх бөгөөд хагас ялгаралтын хугацаа нь 3-4 ба 5-6 цаг байна. Эмийн бодисын тунг өдөрт 500 мг болон ихэсгэхэд эмийн бодис болон үүний бодисын солилцооны гол бүтээгдэхүүний плазм дахь Css 2,7-2,9 ба 0,83-0,88 мкг/мл болж, хагас ялгаралтын хугацаа нь 4,8-5 ба 6,9-8,7 цаг болдог. Эмчилгээний концентраци нь уушги, арьс, зөөлөн эдэд (эдгээрт байгаа концентраци нь цусны плазм дахь антибиотикийг 10 дахин ихэсгэдэг) хуримтлагддаг. Бөөр болон шэдсээр ялгардаг (20-30% нь өөрчлөгдөхгүй ялгардаг бол үлдсэн хувь нь бодисын солилцооны бүтээгдэхүүн болж ялгарна). 250 болон 1200 мг-р нэг удаа хэрэглэхэд бөөрөөр 37,9 болон 46%, гэдсээр 40,2 болон 29,1% ялгарна. Бөөрний хэвийн үйл ажиллагаа алдагдсан үед ТСmах, Сmах ихсэх бөгөөд кларитромицин болон түүний бодисын солилцооны бүтээгдэхүүнүүдийн «концентраци-хугацаа» гэсэн муруйн доод талбай ихэснэ.
Гаж нөлөө:
Мэдрэлийн тогтолцооны талаас: толгой өвдөх, толгой эргэх, нойр хүрэх, сэтгэл түгших, нойргүйдэх, хар дарж зүүдлэх, салгалах, чичрэх, сэтгэл гутралд орох, баримжаа алдагдах, хий үзэгдэл харах, солиорол илрэх, деперсонализаци, ухамсар алдагдах, миастени грависын шинж тэмдгүүд хүндээр илрэх, сэтгэл санаа тавгүйрэх, парестез, сэтгэл хөөрөх, хөлс ихээр ялгарах, анорекси, сульдах. Хоол боловсруулах эрхтэн тогтолцооны талаас: дотор муухайрах, огих, бөөлжих, гэдсэнд хий үүсэх, хоолны дуршил буурах, ходоодны үрэвсэл, ходоод өвдөх, гүйлгэх, амны салст шархлах, хэл үрэвсэх, амны хөндийн салст бүрхүүлийн мөөгөнцөр, хэл болон шүдний өнгө өөрчлөгдөх, амны хөндийн салст хөндий хуурайших, нойр булчирхайн цочмог үрэвсэл, элэгний трансаминазын идэвхижил ихсэх, цөс зогсонгишил, элэгний үрэвсэл, цөс зогсонгишлийн шарлалт, ховор тохиолдолд- хуурамч бүрхүүлийн колит, нас баралтаах төгсдөг элэгний дутагдал (ихэвчлэн бусад дагалдах хүнд өвчний суурин дээр мөн дагалдах эмийн эмчилгээний хамтаар), хоолны шингэц муудах, өтгөн хатах Зүрх судасны эрхтэн тогтолцооны талаас: ховдлын пируэт хэлбэрийн тахикарди, ховдлын жирвэлзэл, ЗЦБ дээр QT интервал уртсах Мэдрэхүйн эрхтэн талаас: чих шуугих, хангинах, толгой эргэх, амт өөрчлөгдөх, амт мэдрэхгүй болох, ховор тохиолдолд эмийн бодис солисны дараа сонсгол алдах, үнэроэх мэдрэмж алдагдах. Арьс болон зөөлөн эд талаас: эритразм, батга гарах, Яс булчингийн тогтолцооны талаас: булчин өвдөх, булчингийн анхдагч өвчнүүд, цээжээр өвдөх Цусны тогтолцооны талаас: ховор тохиолдолд трмбоцитопени, (цус хэвийн бус урсах, гарах), агранулоцитоз, тромбоцитоз, протромбины хугацаа уртсах, МНО түвшин ихсэх Шээс ялгаруулах тогтолцооны талаас: бөөрний үрэвсэл, бөөрний дутагдал Лабораторийн үзүүлэлтүүд: цагаан эс багасах, нейтрофил багасах, эозинофил багасах, цусан лахь билирубины концентраци ихсэх, креатинин ихсэх, цусан дахь сахарын хэмжээ багасах, шээсний өнгө өөрчлөгдөх Харшлын урвал- арьсны тууралт, халуурах, гүвдрүү гарах, арьс халуу оргих, Стивенса-Джонсоны хам шинж, эпидермийн хоруу явцтай үхжил, анафилаксийн урвал, DRESS хам шинж, Шенляйн-Генохын тууралт, цусан тууралт. Бусад: хоёрдогч халдварууд, бичил биетэн тэсвэртэй болох Тунг хэтрүүлэн хэрэглэсэн тохиолдолд Хэвлийгээр өвдөх, дотор муухайрах, бөөлжих, гүйлгэх шинжүүд илэрнэ. Эмчилгээ: ходоод угаах, дэмжих эмчлилгээ. Гемо болон перитонеал диализаар гадагшилдаггүй. Бусад эмийн бодистой харилцан үйлчлэх нь: Кларитромициныг CYP3A изоферментээр анхдагч бодисын солилцоо нь явагддаг эмийн бодисуудтай хамт хэрэглэх үед эдгээрийн концентраци нэг нэгнээсээ хамааран ихэсч, эмчилгээний болон гаж нөлөөний үйлдлүүдийг ихэсгэж, уртасгах боломжтой. Астемизол, цизаприд, пимозид, терфенадин, эрготамин болон бусад алкалоидын спорынь, ловастатин , симвастатинтай хамт хэрэглэхийг хориглодог. СYP3A-н өдөөгч бодисууд нь (жишээ нь фенобарбитол, Hypéricum perforátum ) кларитромицины бодисын солилцоог өдөөж болно. Ингэснээр кларитромицины түвшин эмчилгээний түвшингээс буурч, нөлөө нь багасна. Карбамазепин, цилостазол, циклоспорин, дизопирамид, метилпреднизолон, омепразол, шууд бус цус бүлэгнүүлэгч бодисууд (варфарин), хинидин, рифабутин, силденафил, такролимус, винбластин, фенитоин, теофиллин , вальпрын хүчил ( Р450 цитохромын бусад изоферментээр бодисын солилцоо нь явагдана) хэрэглэж байгаа тохиолдолд болгоомжтой энэхүү эмийг бичиж өгнө. Судсаар хийж байгаа алпразолам, триазолам, мидазоламын үед болгоомжтой энэхүү эмийг бичиж өгнө. Эмийн бодисын тунг тааруулж, цусан дахь концентрацийг нь хянах шаардлагатай. Цизаприд, пимозид, терфенадин болон астемизолтай хамт хэрэглэх үед цусан дахь концентраци ихсэх, QT интервал уртсах, хэм алдагдал үүсэх, ховдлын пируэт хэлбэрийн тахикарди, ховдлын жирвэлзэл үүсэх магадлалтай. Эрготамин ба дигидроэрготаминтай хамт хэрэглэх үед эрготамины бүлгийн бодисын хурц хордлого үүсэх боломжтой (судасны нарийсал, мөчдийн болон бусад эдийн, төв мэдрэлийн тогтолцооны цусан хангамжийн дутагдал ) Эфавиренз, невирапин, рифампицин, рифабутин болон рифапентин ( цитохром Р450-н өдөөгч) плазм дахь кларитромицины түвшинг бууруулж, эмчилгээний нөлөөг нь сулруулж, 14-гидроксикларитромицины хэмжээг ихэсгэдэг. 200 мг флуконазолтай хамт өдөрт 1 г кларитромициныг өдөр бүр хэрэглэснээр кларитромицины Css болон AUC-г 33 % ба 18 %-р ихэсгэж болно. Кларитромицины тунг өөрчлөх шаардлагагүй. Өдөрт 600 мг ритонавир болон өдөрт 1 г кларитромициныг өдөр бүр хамт хэрэглэх үед кларитромицины бодисын солилцоо багасч (Сmах 31%-р, Css 182 %-р, AUC 77 %-р ихэснэ), 14-гидроксикларитромицин үүсэх явц бүрэн дарангуйлагдана. Бөөрний архаг дутагдалтай өвчтөнд тунг зайлшгүй тааруулах шаардлагатай. Креатинины клиринс 30-60 мл/мин байгаа үед кларитромицины тунг 50 % багасгаж, креатинины клиринс 30 мл/мин-с бага байгаа үед 75 % багасгана. Кларитромицины тун өдөрт 1г-с их байгаа үед ритонавирыг хамт хэрэглэхгүй. Хинидин болон дизопирамидтай хамт хэрэглэх үед ховдлын пируэт хэлбэрийн тахикарди үүсэж болно. ЗЦБ (QT интервал уртсах) болон эдгээр эмийн бодисын ийлдсэн дэхь концентрацийг хянах шаардлагатай. Кларитромицин ГМГ-КоА-редуктазын дарангуйлагчдын (ловастатин, симвастатин) концентрацийг ихэсгэдэг. Эдгээр бэлдмэлийг хамт хэрэглэж байгаа өвчинд булчингийн задрал үүсэж болно. Кларитромицин болон омепразолыг хэрэглэх үед Cmax, AUC болон омепразолын хагас ялгарлын хугацаа 30 %, 89 % болон 34 %-р ихсэх боломжтой. Зөвхөн омепразол хэрэглэсэн үед ходоодны рН-ын 24 цагийн дундаж нь 5,2 байсан бол кларитромицинтэй хамт хэрэглэх үед 5,7 болсон байв. Кларитромицин болон шууд бус бүлэгнэлтийн эсрэг эмийг хамт хэрэглэх үед сүүлийнх нь эмийн үйлчлэл ихэсч болно. Варфарин болон бусад шууд бус бүлэгнэлтийн эсрэг эмтэй хамт нэг удаад хэрэглэх тохиолдолд олон улсад хэвшүүлсэн эмийн бодисуудын харилцааг баримталж, протромбины хугацааг хянана. Кларитромициныг силденафил, тадалафил болон варденафилтай (фосфодиэстеразы-5-н дарангуйлагчид) хамт хэрэглэх үед фосфодиэстеразыг дарангуйлах үйлчлэл нэмэгдэнэ. Силденафил, тадалафил болон варденафилын тунг багасгах шаардлага үүсэж болно. Кларитромициныг теофиллин болон карбамазепинтай хамт хэрэглэх үед сүүлийн бодисын цусан дахь концентраци ихэсч болно. CYP2D6 бодисын солилцооны түвшин багатай өвчтөнд кларитромициныг толтеродинтай хамт хэрэглэх үед толтеродины тунг багасгах шаардлагатай болж болно. Кларитромициныг (1 г/өд) мидазоламтай (амаар ууж) хамт хэрэглэх үед мидазоламын AUC 7 дахин ихэсч болно. Мидазоламыг (судсаар) кларитромицинтэй хамт хэрэглэх үед тунг тохируулж болно. CYP3А-р бодисын солилцоо нь явагддаг бусад бензодиазепинуудыг хэрэглэх үедээ ч мөн эдгээр урьдчилан сэргийлэх арга хэмжээнүүдийг авна. Ялгаралт нь CYP3А-с хамаардаггүй бензодиазепинуудын (темазепам, нитразепам, лоразепам) кларитромицинтэй харилцан үйлчлэх эмнэлзүйн нөлөө нь бага. Кларитромициныг колхицинтой хамт хэрэглэх үед колхицины үйлчлэл ихэсдэг. Ялангуяа өндөр настай болон бөөрний архаг дутагдалтай өвчтөнүүдэд (нас барсан тохиолдол бүртгэгдэж байсан) колхицины хордлого явагдаж буй эсэхийг хянана. Кларитромициныг дигоксинтай хамт хэрэглэх үед ийлдсэн дэхь дигоксины концентрацийг сайтар хянах шаардлагатай (үүний концентраци ихэссэнээр нас баралтанд хүргэдэг хэм алдал үүсэж болно) Кларитромициныг нэг удаад ХДХВ халдвартай насанд хүрсэн өвчтөнд зидовудины хамт хэрэглэхэд зидовудины Css багасч болно. Кларитромицин болон зидовудины тунг тохируулах шаардлагатай. Кларитромициныг уусмал хэлбэрээр зидовудины хамт ууж хэрэглэж байгаа ХДХВ халдвартай хүүхдүүдэд энэхүү харилан үйлчлэл илэрдэггүй. Кларитромицин (l г/өд) болон атазанавирыг (400 мг/өд) хамт хэрэглэх үед атазанавирын AUC 28%-р, кларитромициных 2 дахин ихэсч, 14-гидроксикларитромицины AUC 70%-р багассан байна. КК 30-60 мл/мин-тэй өвчтөнд кларитромицины тунг 50 % багасгах ёстой. Кларитромицины тун 1 г/өд-с их байгаа үед протеазын дарангуйлагчтай хамт уухыг хориглоно. Кларитромициныг интраконазолтай хамт хэрэглэх үед плазм дахь концентраци ихэсч болно. Итраконазол ба кларитромицин хамт хэрэглэж байгаа өвчтөнүүдэд эдгээр эмийн бодисын үйлдэл ихэссэн эсвэл удаан үйлчилж байгаа эсэхийг ажиглах шаардлагатай. Кларитромицин (l г/өд) болон саквинавирыг (зөөлөн желатин капсултхй , 1200 мг-р өдөрт 3 удаа) нэг удаад хамт хэрэглэхэд саквинавирын AUC ба Css 177 % ба 187 %-р, харин кларитромициных 40%-р ихэсдэг. Эдгээр хоёр эмийг эмчилгээний тунгаар тодорхой хугацаанд хамт уух тохиолдолд тунг тохируулах шаардлагагүй. Верапамилтай хамт хэрэглэх үед артерийн даралт буурах, брадиаритми, сүүний хүчлийн ацидоз үүсэж болно. Кларитромициныг гипогликемийн амаар уудаг бэлдмэлтэй (үүнд инсулин орно) нэг удаад хамт хэрэглэхэд ховор тохиолдолд гипогликеми үүсэж болно. Цусан дахь глюкозыг сайтар хянахыг зөвлөдөг.Кларитромициныг (500 мг-р өдөрт 2 удаа) этравиринтэй хамт нэг удаад хэрэглэхэд плазм дахь кларитромицины концентрацийг 53 %-р бууруулж, бодисын солилцооны идэвхитэй бүтээгдэхүүн болох 14-гидроксикларитромицины концентрацийг 46 %-р ихэсгэдэг. 14-гидроксикларитромицин нь Mycobacterium avium complex (МАС)-н эсрэг суларсан идэвхитэй байдаг учраас энэхүү эмгэг төрөгчийн эсрэг кларитромицин болон түүний болисын солилцооны бүтээгдэхүүнүүдийн нийт идэвхижил өөрчлөгдөж болно.
Онцгой заалт:
Элэгний архаг өвчний үед цусан дахь ийлдсэн дэхь ферментүүдийн идэвхижлийг тогтмол хянах шаардлагатай. Элгэнд бодисын солилцоо нь явагддаг эмийн өөр бодис хэрэглэдэж байгаа үед эмчийн заавраар болгоомжтой хэрэглэнэ (тэдгээр бодисын цусан дахь концентрацийг үзэхийг зөвлөдөг) Варфарин болон бусад цус бүлэгнэлтийн эсрэг эмнүүдтэй хавсарч хэрэглэж байгаа тохиолдолд протромбины хугацааг хянах зайлшгүй шаардлагатай Хоёрдогч халдвар үүссэн тохиолдолд шаардлагатай эмчилгээг хийнэ. Эмчилгээний үед эсвэл дараа хүнд хэлбэрийн суулгалт илэрсэн тохиолдолд хуурамч бүрхүүлийн колит өвчнийг үгүйсгэх шаардлагатай. Энэ эмгэг илэрсэн тохиолдолд эмийн бодисыг яаралтай сольж, шаардлагатай эмчилгээг эхэлнэ.
Худалдаанд гаргадаг хэлбэр: Хальсан бүрхүүлээр хучигдсан 500 мг шахмал Хүчинтэй хугацаа: 3 жил. Хүчинтэй хугацаа хэтэрсэн тохиолдолд хэрэглэж болохгүй. Хадгалах нөхцөл: Хуурай, нарны шууд гэрэл тусаагүй нөхцөлд 25С-с дээшгүй хэмд хадгална. Хүүхэд хүрэхгүй газар хадгална. Эмийн сангаас олгох: Жорын дагуу.
Үйлдвэрлэгч: АО «АВВА РУС», Орос
Монгол улс дах албан ёсны дистрибьютор: "Нано Фарм Трейд", 7222-9222